മണ്ഡല മഹോത്സവം : താലപ്പൊലി ഘോഷയാത്ര നടന്നു.

           

              പുല്ലൂരാംപാറ ശ്രീനാരായണ ധര്‍മശാസ്താ ക്ഷേത്രത്തിലെ മണ്ഡല മഹോത്സവത്തോടനുബന്ധിച്ച് ഇന്ന് വിപുലമായ  താലപ്പൊലി ഘോഷയാത്ര നടന്നു. പൊന്നാങ്കയം അമ്യതാനന്ദമയി മഠത്തില്‍ നിന്നും ആരംഭിച്ച ഘോഷയാത്ര പള്ളിപ്പടി വഴി പുല്ലൂരാംപാറ അങ്ങാടിയിലൂടെ കടന്ന്  അങ്ങാടിക്കു സമീപത്തുള്ള ക്ഷേത്രത്തില്‍ എത്തിച്ചേരുകയായിരുന്നു. ഘോഷയാത്രയില്‍ നിരവധി സ്ത്രീകള്‍ താലപ്പൊലികളുമായി അണി നിരന്നു. തീയാട്ടവും, കാവടിയാട്ടവും ഘോഷയാത്രയ്ക്കു മിഴിവേകി. ഡിസംബര്‍ 24,25,26 തിയതികളിലായി നടക്കുന്ന മണ്ഡല മഹോത്സവത്തോടനുബന്ധിച്ച് വിശേഷാല്‍ പൂജകളും, വിവിധ കലാപരിപാടികളും സംഘടിപ്പിച്ചിട്ടുണ്ട്.