പുല്ലൂരാംപാറ സെന്റ് ജോസഫ്സ് ദേവാലയത്തില്‍ വി. യൌസേപ്പിതാവിന്റെയും, വി.സെബസ്ത്യാനോസിന്റെയും തിരുനാളാഘോഷങ്ങള്‍ സമാപിച്ചു. ജനുവരി 24,25,26 തിയതികളിലായി നടന്ന തിരുനാള്‍ മഹോത്സവത്തിന് വികാരി റവ.ഫാ.അഗസ്റ്റ്യന്‍ കിഴുക്കരക്കാട്ട്, അസി.വികാരി റവ.ഫാ. ജോസ് ഞാവള്ളിയില്‍ എന്നിവര്‍ നേത്യത്വം നല്കി.
ജനുവരി 25നു രാവിലെ തിരുനാളിന് കൊടിയേറ്റുകയും, 26ം തിയതി വൈകുന്നേരം വി.കുര്‍ബാനയെയും, ലദീഞ്ഞിനെയും തുടര്‍ന്ന് പുല്ലൂരാംപാറ അങ്ങാടിയിലെ കപ്പേളയിലേക്ക് ആഘോഷമായ പ്രദക്ഷിണവും, വാദ്യ മേളങ്ങളുടെ പ്രകടനവും നടന്നു. രാത്രി ഒന്‍പതരയോടെ പാരീഷ് ഹാളിനു സമീപത്തു കരിമരുന്നു കലാപ്രകടനവും നടക്കുകയുണ്ടായി.
സമാപന ദിവസമായ 26ം തിയതി ഞായാറാഴ്ച രാവിലെ പത്തുമണിയോടെ തിരുനാള്‍ കുര്‍ബാനയും, കുരിശും തൊട്ടിയിലേക്ക് പ്രദക്ഷിണവും നടന്നു. ഉച്ചയ്ക്ക് പന്ത്രണ്ടരയോടെ പാരീഷ് ഹാളില്‍ വെച്ച് ഇടവക ജനങ്ങളെല്ലാം ഒത്തുചേര്‍ന്ന സ്നേഹവിരുന്നും നടക്കുകയുണ്ടായി. ഇക്കൊല്ലത്തെ തിരുനാളാഘോഷങ്ങള്‍ ഇടവകയിലെ വിവിധ കുടുംബയൂണിറ്റുകള്‍ ഏറ്റെടുത്താണ് നടത്തിയത്.
തിരുനാളാഘോഷത്തിന്റെ വിവിധ ദ്യശ്യങ്ങള്‍
NB: കരിമരുന്ന് കലാപ്രകടനത്തിന്റെ വീഡിയോ ദ്യശ്യങ്ങള്‍ അടുത്ത ദിവസങ്ങളില്‍ പബ്ലിഷ് ചെയ്യുന്നതായിരിക്കും
