പുല്ലൂരാംപാറ സെന്റ് ജോസഫ്സ് യു.പി.സ്കൂളിന്റെ വജ്ര ജുബിലി ആഘോഷങ്ങളുടെ ഭാഗമായി ഇന്ന് രാവിലെ മുതല്‍ സ്കൂള്‍ വോളിബോള്‍ കോര്‍ട്ടില്‍ സംഘടിപ്പിച്ച ഏകദിന ത്രബിള്‍സ് വോളിബോള്‍ മത്സരത്തില്‍ ഓമശ്ശേരി ക്രെസെന്റ് ബി ടീം ജേതാക്കളായി. ഫൈനലില്‍ ഓമശ്ശേരിയുടെ തന്നെ എ ടീമിനെയാണ് ബി ടീം പരാജയപ്പെടുത്തിയത്.
പന്ത്രോണ്ടോളം ടീമുകള്‍ മത്സരിച്ച ത്രിബിള്‍സ് വോളിബോള്‍ ടൂര്‍ണ്ണമെന്റ് രാവിലെ 9.30 മുതല്‍ ആരംഭിച്ച് വൈകുന്നേരം 6 മണിയോടെ അവസാനിച്ചു. സമാപനച്ചടങ്ങില്‍ സ്കൂള്‍ മനേജര്‍ റവ.ഫാ.അഗസ്റ്റ്യന്‍ കിഴക്കരക്കാട്ട്, സായി കോച്ച് ടി.ടി.ജോസഫ്സ് എന്നിവര്‍ വിജയികള്‍ക്ക് ട്രോഫികള്‍ വിതരണം ചെയ്തു.
