 |
| പാലം നിര്‍മാണം പുനരാരംഭിച്ചപ്പോള്‍ |
കോഴിക്കോട്,മലപ്പുറം ജില്ലകളെ തമ്മില്‍ ബന്ധിപ്പിക്കുന്ന കക്കാടംപൊയില്‍-നിലമ്പൂര്‍ മലയോര ഹൈവേയിലെ മൂലേപ്പാടം പാലത്തിന്റെ നിര്‍മാണം പുനരാരംഭിച്ചു. 2007ല്‍ നിര്‍ദ്ദിഷ്ട പാലത്തിന്റെ നിര്‍മാണം പാതി വഴിയില്‍ നിലച്ചിരുന്നു. തുടര്‍ന്ന് ഏകദേശം നാലു കൊല്ലത്തിനു ശേഷം തടസ്സങ്ങളെല്ലാം മറികടന്ന് പാലം റീ ടെണ്ടര്‍ ചെയ്ത് നിര്‍മാണം പുനരാരംഭിക്കുകയാണ് ചെയ്തിരിക്കുന്നത്.
 |
| 2007ല്‍ പാലം നിര്‍മാണം പാതി വഴിയില്‍ നിലച്ചപ്പോള്‍ |
കോഴിക്കോട്-മലപ്പുറം ജില്ലകളിലായി സ്ഥിതി ചെയ്യുന്ന കക്കാടംപൊയില്‍ നിവാസികളുടെ എക്കാലത്തെയും സ്വപനമായിരുന്നു നിലമ്പൂരിലേക്ക് ഒരു റോഡ്. 2003-05 കാലഘട്ടങ്ങളിലായി കക്കാടംപൊയിലിലെ വാളംതോടില്‍ നിന്നും നിലമ്പൂരിനു സമീപമുള്ള അകമ്പാടത്തെ മൂലേപ്പാടം വരെ റോഡു നിര്‍മാണം പൂര്‍ത്തിയാവുകയും ചെയ്തിരുന്നു.തുടര്‍ന്ന് മൂലേപ്പാടത്തുള്ള ചാലിയാര്‍ പുഴയുടെ കൈവഴിയായ കുറാന്‍ പുഴയ്ക്കു കുറുകെ പാലത്തിന്റെ നിര്‍മാണം ആരംഭിക്കുകയും ചെയ്തു.
2007ല്‍ പാലം നിര്‍മാണം പാതി വഴിയില്‍ നില്ക്കേ, പാലത്തിന്റെ മറുഭാഗം വനത്തിലാണ് സ്ഥിതി ചെയ്യുന്നത് എന്ന വാദം മുറുകുകയും, തുടര്‍ന്ന് പാലം നിര്‍മാണം സ്റ്റേ ആവുകയും ചെയ്തു. ജനപ്രതിനിധികളുടെയും നാട്ടുകാരുടെയും ശ്രമഫലമായി സ്റ്റേ നീക്കുവാന്‍ സാധിച്ചെങ്കിലും കാലതാമസം പാലം നിര്‍മാണത്തെ ബാധിക്കുകയും, പിന്നീട് പാലത്തിന്റെ അവശേഷിക്കുന്ന ഭാഗത്തെ എസ്റ്റിമേറ്റ് എടുത്ത് റീ ടെണ്ടര്‍ ചെയ്ത് ഇപ്പോള്‍ നിര്‍മാണം പുനരാരംഭിച്ചപ്പോള്‍ ഏകദേശം നാലുകൊല്ലം പിന്നിട്ടിരുന്നു.
2007ല്‍ പാലം നിര്‍മാണം പാതി വഴിയില്‍ നില്ക്കേ, പാലത്തിന്റെ മറുഭാഗം വനത്തിലാണ് സ്ഥിതി ചെയ്യുന്നത് എന്ന വാദം മുറുകുകയും, തുടര്‍ന്ന് പാലം നിര്‍മാണം സ്റ്റേ ആവുകയും ചെയ്തു. ജനപ്രതിനിധികളുടെയും നാട്ടുകാരുടെയും ശ്രമഫലമായി സ്റ്റേ നീക്കുവാന്‍ സാധിച്ചെങ്കിലും കാലതാമസം പാലം നിര്‍മാണത്തെ ബാധിക്കുകയും, പിന്നീട് പാലത്തിന്റെ അവശേഷിക്കുന്ന ഭാഗത്തെ എസ്റ്റിമേറ്റ് എടുത്ത് റീ ടെണ്ടര്‍ ചെയ്ത് ഇപ്പോള്‍ നിര്‍മാണം പുനരാരംഭിച്ചപ്പോള്‍ ഏകദേശം നാലുകൊല്ലം പിന്നിട്ടിരുന്നു.
 |
| ഗൂഗിള്‍ എര്‍ത്തില്‍ നിന്നുള്ള ദ്യശ്യങ്ങള്‍ |
 |
| വെണ്ടേക്കും പൊയില്‍ ഭാഗത്തെ വനത്തിലൂടെ കടന്നു പോകുന്ന മലയോര ഹൈവേ. ഈ ഭാഗത്ത് റീ ടാര്‍ ചെയ്യാന്‍അനുവാദമില്ല |
മലയോര ഹൈവേ
(കൂടരഞ്ഞി-പൂവാറന്തോട്-വാളന്തോട് -കക്കാടംപൊയില്‍-അകമ്പാടം-നിലമ്പൂര്‍)
(ഇതില്‍ വാളന്തോടിനും പൂവാറന്തോടിനുമിടയില്‍ വനത്തിലൂടെയുള്ള മൂന്നു കിലോമീറ്ററടക്കം ആകെ 6 കി.മീ.ദൂരം ടാര്‍ ചെയ്യാനുണ്ട്)
തയാറാക്കിയത്
സിറില്‍ ജോര്‍ജ് പാലക്കോട്ടില്‍
