സെന്റ് ജോസഫ് സ് എച്ച്. എസ്സ്. എസ്സ്.പുല്ലൂരാംപാറ
ചരിത്രം
കുടിയേറ്റത്തിന്റെ ആദ്യ ഘട്ടത്തില്‍ തന്നെ പുല്ലുരാമ്പാറയില്‍ തങ്ങളുടെ വരും തലമുറയുടെ വിദ്യാഭ്യാസമെന്ന സ്വപ്നം സാക്ഷാത്കരിക്കുന്നതിനുവേണടി എളിയരീതയില്‍ ഒരു കുടിപ്പള്ളിക്കൂടമായി സെന്റ്. ജോസഫ്സ് യു.പി. സ്കൂള്‍ പ്രവര്‍ത്തനം ആരംഭിച്ചെങ്കിലും ഉപരിoനത്തിനുള്ള സൗകര്യം ലഭ്യമാകുവാന്‍ ഈ ജനതക്ക് കുറെക്കാലംകൂടി കാത്തിരിക്കേണടി വന്നു. തിരുവമ്പാടി നിയോജകമണ്ഡലം എം.എല്‍.എ. ആയിരുന്ന പി. സിറിയക് ജോണിന്റേയും അന്നത്തെ വികാരി ആയിരുന്ന ഫാ. ഫിലിപ്പ് മുറിഞഞകല്ലിന്റേയും ശ്രമഫലമായി 1976 ലാണ്‌ പുല്ലുരാമ്പാറയില്‍ ഹൈസ്കൂള്‍ അനുവദിക്കുന്നത്. 1976 ഫെബ്രുവരി 16-ആം തിയ്യതി സെന്റ്. ജോസഫ്സ് ഹൈസ്ക്കൂളിന്റെ ഔപചാരിക ഉദ്ഘാടനം തലശ്ശേരി രൂപതാ അദ്ധ്യക്ഷന്‍ മാര്‍. സെബാസ്റ്റ്യന്‍ വള്ളോപ്പിള്ളി നിര്‍വഹിച്ചു.
1976 ല്‍ സ്കൂള്‍ പ്രവര്‍ത്തനം ആരംഭിച്ചപ്പോള്‍ ഫാ. ഫിലിപ്പ് മുറിഞ്ഞല്ലേല്‍ ആയിരുന്നു സ്കൂള്‍ മാനേജര്‍. ശ്രീ.പി.ടി. ജോര്‍ജ്ജ് പ്രധാനാദ്ധ്യാപകന്റെ ചാര്‍ജ്ജ് വഹിച്ചു.
എം,സി. ചിന്നമ്മ,പി.എ. ജോര്‍ജ്ജ്,എ.ടി. ത്രേസ്സ്യാമ്മ, ടോമി സിറിയക്, എ. ജോര്‍ജ്ജ്കുട്ടി, അന്നക്കുട്ടി ജോസ്, ബേബി മാത്യു എന്നിവര്‍ അദ്ധ്യാപകരായും എം.ടി. കൊച്ചാപ്പു, പി.വി. മറിയാമ്മ എന്നിവര്‍ അനദ്ധ്യാപകരായും ജോലിയില്‍ പ്രവേശിച്ചു. എട്ടാം ക്ലാസ്സില്‍ നാലു ഡിവിഷനുകളിലായി 172 കുട്ടികളുമായാ‌ണ് സ്കൂള്‍ ആരംഭിച്ചത് . ആദ്യമായി അഡ്മിഷന്‍ നേടിയത് സി.കെ. ഗോപകുമാര്‍ എന്ന കുട്ടിയാണ്‌.1979 ല്‍ ആദ്യ എസ്.എസ്.എല്‍.സി. ഫലം പുറത്തുവന്നപ്പോള്‍ 86 കുട്ടികളില്‍ 84 പേരും വിജയിച്ച് 98 ശതമാനം വിജയം നേടാന്‍ ഈ വിദ്ധ്യാലയത്തിനു കഴിഞ്ഞു. 2008-2009 വര്‍ഷത്തില്‍ എസ്.എസ്.എല്‍.സി. ഫലം പുറത്തുവന്നപ്പോള്‍ 194 കുട്ടികളില്‍ 194 പേരും വിജയിച്ച് 100 ശതമാനം വിജയം ഈ വിദ്യാലയം കരസ്ഥമാക്കി.2009-10 വര്‍ഷത്തിലും പരീക്ഷക്കിരുന്ന 194 പേരും വിജയിച്ച് 100 ശതമാനം വിജയം ആവര്‍ത്തിക്കാന്‍ സ്കൂളിനു കഴിഞ്ഞു.2010-11 വര്‍ഷത്തില്‍ സ്കൂള്‍ ഹയര്‍ സെക്കണ്ടറി ആയി ഉയര്‍ത്തി. നിലവില്‍ സയന്‍സ്, ഹ്യൂമാനിറ്റീസ് ബാച്ചുകളിലായി 12 അധ്യാപകരുടെ മേല്‍നോട്ടത്തില്‍ 72 കുട്ടികള്‍ ഇവിടെ അധ്യയനം നടത്തുന്നു.
ഭൗതികസൗകര്യങ്ങള്‍
പുല്ലുരാമ്പാറ സെന്റ്. ജോസഫ്സ് ദേവാലയത്തിന്റെ ഉടമസ്ഥതയിലുള്ള മൂന്നേക്കര്‍ സ്ഥലത്ത് 9500 ചതുരശ്ര അടി വിസ്തീര്‍ണ്ണമുള്ള മനോഹരമായ കെട്ടിടത്തിലാണ്‌ സ്കൂള്‍ പ്രവര്‍ത്തിക്കുന്നത്. പൂര്‍ണ്ണമായും വൈദ്യുതീകരിച്ച 14 ക്ലാസ്സ് മുറികളും ഏഴു ക്ലാസ്സുകള്‍നടത്തുവാന്‍ സൗകര്യമുള്ള വലിയ ഹാളും സ്കൂളിനുണട്. രണടായിരത്തോളം പുസ്തകങ്ങളും ധാരാളം റഫറന്‍സ് ഗ്രന്ഥങ്ങളും ഉള്‍ക്കൊള്ളുന്ന ഉന്നതനിലവാരം പുലര്‍ത്തുന്ന ലൈബ്രറി സ്കൂളിന്റെ നേട്ടമാണ്‌. ഇരുപതോളം കമ്പ്യൂട്ടറുകളോടുകൂടി ആധുനിക സൗകര്യങ്ങളോടെ പ്രവര്‍ത്തിക്കുന്ന ഒരു കമ്പ്യൂട്ടര്‍ ലാബും ഇതിനോടകം പൂര്‍ത്തിയാക്കിയിട്ടുണട്. 200 മീറ്റര്‍ ട്രാക്ക് സൗകര്യമുള്ള മൈതാനവും , വിസ്ത്രുതമായ മുറ്റവും , വോളീബോള്‍ കോര്‍ട്ടും സ്കൂളിന്‌ സ്വന്തമായുണട്. 20 കമ്പ്യൂട്ടരുകള്‍ ഉള്ള കമ്പ്യൂട്ടര്‍ ലാബ് സ്കൂളിനുണ്ട് . ഇവിടെ ബ്രോഡ്ബാന്റ് ഇന്റര്‍നെറ്റ് സൗകര്യം ലഭ്യമാണ്.കൂടാതെ കേന്ദ്ര ഗവണ്മെണ്ടില്‍ നിന്ന് കമ്പ്യൂട്ടറുകളും അതിന്‍റെ അനുബന്ധ ഉപകരണങളും ലഭിക്കുന്നുണ്ട്. ആധുനിക രീതിയിലുള്ള സ്മാര്‍ട്ട് റൂം സ്കൂളില്‍ ഉണ്ട്. ഈ സ്മാര്‍ട്ട് ക്ലാസ്സുകളില്‍ ഓരോ വിഷയങ്ങളും ദ്യശ്യ മധ്യമങ്ങളുടെ സഹായത്തൊടെ പഠിപ്പിക്കുന്നു.
പാഠ്യേതര പ്രവര്‍ത്തനങ്ങള്‍
- സ്പോര്‍ട്സ് :- 2009-10 വര്‍ഷത്തെ മുക്കം ഉപജില്ല സ്പോര്‍ട്സ് മീറ്റിലും കോഴിക്കോട് ജില്ലാ സ്പോര്‍ട്സ് മീറ്റിലും
ഒവറോള്‍ ചാമ്പ്യന്‍ഷിപ്പ് സ്കൂളിന്‌ ലഭിച്ചു. - വിദ്യാരംഗം കലാ സാഹിത്യ വേദി :- പ്രശസ്ത ഗായകനും, ഈ സ്കൂളിലെ മലയാളം അധ്യാപകനുമായ Sri. N. Unnikrishnan ന്റെ മേല്‍നോട്ടത്തില്‍ സാഹിത്യാഭിരുചി വളര്‍ത്തുന്ന നിരവധി പ്രവര്‍ത്തനങ്ങള്‍ നടത്തുന്നു.
- ക്ലബ്ബ് പ്രവര്‍ത്തനങ്ങള്‍ :- പരിസ്ഥിതി ക്ലബ്ബ് , ഹെല്‍ത്ത് ക്ലബ്ബ് , സയന്‍സ് ക്ലബ്ബ് , സോഷ്യല്‍ സയന്‍സ് ക്ലബ്ബ് , ഗണിത ക്ലബ്ബ് , കാര്‍ഷിക ക്ലബ്ബ്, ഐ.ടി. ക്ലബ്ബ് തുടങ്ങിയവ വളരെ സജീവമായി പ്രവര്‍ത്തിക്കുന്നു.
- [[ശ്രീ. ആഗസ്തി എം.ജെ യുടെ മേല്‍നോട്ടത്തില്‍ സ്കൂളില്‍ ബാന്‍ഡ് ക്ലബ്ബ് നല്ല രീതിയില്‍ പ്രവര്‍ത്തിക്കുന്നു.]]
മാനേജ്മെന്റ്
താമരശ്ശേരി രൂപതാ കോര്‍പ്പറേറ്റ് മാനേജരാണ് ഈ വിദ്യാലയത്തിന്റെ ഭരണം നടത്തുന്നത്. നിലവില്‍ 60 ഓളം വിദ്യാലയങ്ങള്‍ ഈ മാനേജ്മെന്റിന്റെ കീഴില്‍ പ്രവര്‍ത്തിക്കുന്നുണ്ട്. മാര്‍ റെമജിയൂസ് ഇഞ്ചനാനി രക്ഷാധികാരിയായും റെവ. ഫാ. ജോസഫ് കളരിക്കല്‍ കോര്‍പ്പറേറ്റ് മാനേജരായും പ്രവര്‍ത്തിക്കുന്നു. ഫാ. എഫ്രേം പൊട്ടനാനി സ്കൂള്‍ മാനേജര്‍ ആയി പ്രവര്‍ത്തിക്കുന്നു.
കൂടുതല്‍ വിവരങ്ങള്‍ക്ക് ഇവിടെ ക്ളിക്ക് ചെയ്യുക
കൂടുതല്‍ വിവരങ്ങള്‍ക്ക് ഇവിടെ ക്ളിക്ക് ചെയ്യുക