സൌരയൂഥത്തിലൂടെ സഞ്ചരിച്ച് അവയെക്കുറിച്ചറിയാന്‍ സധാരണക്കാര്‍ക്ക് നാസ അവസരമൊരുക്കുന്നു. നാസയുടെ 'Eyes on the Solar System' എന്ന വെബ് ആപ്ലിക്കേഷന്‍ വഴിയാണ് ഇത് സാധ്യമാവുന്നത്. ത്രിമാന രൂപത്തില്‍ പര്യവേഷണം നടത്താന്‍ സാധിക്കുന്ന ഈ ആപ്ലിക്കേഷന്‍ വിദ്യാര്‍ഥികള്‍ക്കും വിജ്ഞാനകുതുകികള്‍ക്കും ഒരേ പോലെ പ്രയോജനപ്പെടും. നാസ വിക്ഷേപിച്ച ബഹിരാകാശ വഹനങ്ങള്‍ക്കൊപ്പം വെര്‍ച്ച്വലായി സഞ്ചരിച്ച് സൌരയൂഥത്തെ മനസ്സിലാക്കാന്‍ സഹായിക്കുന്നതാണ് പുതിയ ആപ്ലിക്കേഷന്‍. നാസയുടെ വെബ്സൈറ്റിലുള്ള സൌജന്യ പ്ലഗ്ഗ്-ഇന്‍ ഈ ആപ്ലിക്കേഷന്‍ പ്രവര്‍ത്തിക്കാന്‍ ആവശ്യമാണ്. ദ്വിമാന അല്ലെങ്കില്‍ ത്രിമാന മോഡ് യൂസര്‍ക്ക് തിരഞ്ഞെടുക്കാം. ത്രിമാന മോഡ് തിരഞ്ഞെടുക്കുന്നവര്‍ ശരിക്കുള്ള അനുഭവം ലഭിക്കാന്‍ പ്രത്യേക കണ്ണട(red-cyan glasses) ധരിക്കണം.
