പുല്ലൂരാംപാറ സെന്റ് ജോസഫ്സ് സണ്‍ഡേ സ്കൂളില്‍ പ്രവശനോത്സവം നടന്നു. ദേവാലയത്തിലെ എഴുത്തിനിരിക്കല്‍ ചടങ്ങുകള്‍ക്കു ശേഷം ഒന്നാം ക്ലാസിലേക്ക് പ്രവേശനം ലഭിച്ച കുട്ടികളെ റാലിയായി ആനയിച്ച് പാരീഷ് ഹാളിലേക്ക് കുട്ടികള്‍ നീങ്ങി. തുടര്‍ന്ന് കുരുന്നുകളെ ബലൂണും മിഠായിയും നല്‍കി സ്വീകരിച്ച് വേദിയിലേക്ക് കയറ്റി ഇരുത്തി. പിന്നീട് ഓരോ കുട്ടികള്‍ക്കും ഈശോയുടെയും, മാതാവിന്റെ രൂപങ്ങള്‍ നല്‍കുകയുണ്ടായി. തുടര്‍ന്ന് കുട്ടികളുടെ കലാപരിപാടികള്‍ അരങ്ങേറി. പ്രവേശനോത്സവ ചടങ്ങുകള്‍ക്ക് ഹെഡ് മാസ്റ്റര്‍ ജുബിന്‍ സ്വാഗതം ആശംസിച്ചു. വികാരി ഫാ.അഗസ്റ്റ്യന്‍ കിഴുക്കരക്കാട്ട് അധ്യക്ഷം വഹിച്ചു. അസ്സിസ്റ്റന്റ് വികാരി ആശംസകള്‍ നേര്‍ന്നു. ബിജു വള്ളിയാംപൊയ്കയില്‍ ചടങ്ങിന് നന്ദിയും അര്‍പ്പിച്ചു.
