പുല്ലൂരാംപാറ സെന്റ് ജോസഫ് ദേവാലയത്തിനു കീഴിലുള്ള സണ്‍ഡേ സ്കൂളിലെ ഒന്നാം ക്ലാസ്സിലേക്ക് പ്രവേശനം ലഭിച്ച കുട്ടികളെ എഴുത്തിനിരുത്തി. ഇന്ന് രാവിലെ പത്തുമണിക്കുള്ള കുട്ടികള്‍ക്കായുള്ള വി. കുര്‍ബാനക്കു ശേഷം വൈദികരുടെ അനുഗ്രഹ സാന്നിദ്ധ്യത്തില്‍ ദേവാലയത്തില്‍ വെച്ചാണ് എഴുത്തിനിരുത്ത് ചടങ്ങു നടന്നത്. പാത്രത്തില്‍ നിരത്തിയ അരിയില്‍ 'ഈശോ' എന്ന് മാതാപിതാക്കളുടെ സാന്നിദ്ധ്യത്തില്‍ കുട്ടികളുടെ കരം പിടിച്ച് വൈദികര്‍ എഴുതിച്ചു. ഇടവകയില്‍ ആദ്യമായാണ് കുട്ടികളെ എഴുത്തിനിരുത്തുന്നത്. അന്‍പതോളം കുട്ടികളെയാണ് ഇപ്രാവശ്യം എഴുത്തിനിരുത്തിയത്. ദേവാലയ വികാരി ഫാ.അഗസ്റ്റ്യന്‍ കിഴുക്കരക്കാട്ട് ചടങ്ങുകള്‍ക്ക് നേത്യത്വം നല്‍കി.
ചടങ്ങിലെ ചില ദ്യശ്യങ്ങള്‍
