പുല്ലൂരാംപാറ സെന്റ് ജോസഫ്സ് യു.പി.സ്കൂളില്‍ ഇക്കൊല്ലത്തെ പ്രവേശനോത്സവം കുരുന്നുകള്‍ക്ക് വിസ്മയമായി. ഒന്നാം ക്ലാസ്സിലേക്ക് പ്രവേശനം നേടിയ കുട്ടികളെ സ്കൂള്‍ ഗേറ്റ് മുതല്‍ ബാന്‍ഡ് വാദ്യങ്ങളുടെ അകമ്പടിയോടെ സ്കൂളിലേക്ക് ആഘോഷമായി കൊണ്ടു വരികയും തുടര്‍ന്ന് അധ്യാപകര്‍ ബലൂണുകളും പൂക്കളും നല്‍കി കുട്ടികളെ ഒന്നാം ക്ലാസ്സിലേക്ക് കയറ്റിയിരുത്തി. അതിനു ശേഷം സ്കൂള്‍ ഹാളില്‍ നടന്ന ചടങ്ങ് സ്കൂള്‍ മാനേജര്‍ റവ.ഫാ.അഗ്സ്റ്റ്യന്‍ കിഴുക്കരക്കാട്ട് ഉദ്ഘാടനം ചെയ്തു. പി.റ്റി.എ. പ്രസിഡന്റ് ബാബു തീക്കുഴിവേലില്‍ അധ്യക്ഷത വഹിച്ച യോഗത്തില്‍ ഹെഡ്മിസ്ട്രസ്സ് എം.സി. മേരി,ഷിജി ജോബി,എന്‍ ടി.തോമസ് എന്നിവര്‍ പ്രസംഗിച്ചു. തൊണ്ണൂറ്റൊന്ന് കുട്ടികളാണ് ഇക്കൊല്ലം ഒന്നാം ക്ലാസ്സിലേക്ക് പ്രവേശനം നേടിയത്.
